گزشتہ مالی سال کے دوران پاکستانی 179 ارب روپے سے زائد کی چائے پی گئے

اسلام آباد: پاکستانیوں نےگزشتہ مالی سال میں 179 ارب روپے سے زائد کی چائے استعمال کی۔سرکاری دستاویزات کے مطابق گزشتہ مالی سال میں 2 لاکھ 46 ہزار 514 میٹرک ٹن چائے منگوائی گئی جس کا درآمدی بل 62 کروڑ 90 لاکھ ڈالر رہا۔دستاویز کے مطابق 24-2023 کے مقابلے 25-2024 میں درآمدات میں 4.20 فیصد کمی ریکارڈ کی گئی، مالی سال 24-2023 میں 2 لاکھ 59 ہزار میٹرک ٹن چائے درآمد کی گئی۔صرف جون 2025 کے دوران پاکستانی 14 ارب 18 کروڑ روپے کی چائے پی گئے، جون کے دوران 19 ہزار 804 میٹرک ٹن چائے درآمد کی گئی، ایک ماہ میں چائے کا درآمدی بل 4 کروڑ 97 لاکھ ڈالر سے زائد رہا۔دستاویز کے مطابق مئی کے مقابلے جون میں چائے کی درمدآت میں 16.94 فیصد کم رہی، مئی کے دوران 21 ہزار 971 میٹرک ٹن چائے درآمد کی گئی جس کا درآمدی بل تقریباً 6 کروڑ ڈالر ریکارڈکی گئی۔